Падзеі

Галоўчанка: неабходна ў бліжэйшы час вызначыцца з фінансаваннем новага беларуска-расійскага спадарожніка

3 лютага, Мінск /Кар. БЕЛТА/. Неабходна ў бліжэйшы час вызначыцца з фінансаваннем новага беларуска-расійскага спадарожніка, заявіў прэм'ер-міністр Беларусі Раман Галоўчанка сёння на сустрэчы з віцэ-прэм'ерам Расіі Юрыем Барысавым, перадае карэспандэнт БЕЛТА.

"Неабходна ў бліжэйшы час прыняць рашэнне аб фінансаванні сумеснага беларуска-расійскага праекта па стварэнні апарата дыстанцыйнага зандзіравання Зямлі", - сказаў Раман Галоўчанка.

На яго думку, беларускія і расійскія прадпрыемствы маюць дастатковую матэрыяльна-тэхнічную базу і патэнцыял, якія дазваляюць весці сумесныя распрацоўкі ў радыёэлектроннай прамысловасці. Раман Галоўчанка звярнуў увагу на неабходнасць стварэння роўных канкурэнтных умоў. "Трэба абмеркаваць, як мы можам зняць бар'еры, каб прадпрыемствы маглі больш цесна супрацоўнічаць", - адзначыў кіраўнік беларускага ўрада.

версія для друку

зрабіць стартавай

дабавіць у выбранае