Падзеі

9 лютага, Мінск /Кар. БЕЛТА/. Еўрапейскія дыпламаты адзначаюць гатоўнасць Беларусі прадаўжаць кантакты па тэме правоў чалавека. Аб гэтым БЕЛТА паведамілі ў прэс-службе МЗС Беларусі па выніках сённяшняй сустрэчы міністра замежных спраў Уладзіміра Макея з палітычнымі дырэктарамі міністэрстваў замежных спраў краін Вышаградскай групы Іванам Естржабам (Чэхія), Левентэ Бенке (Венгрыя), Багумілай Ордык (Польшча) і Петэрам Мішыкам (Славакія).

На сустрэчы абмяркоўваліся перспектывы нармалізацыі адносін Беларусі з Еўрапейскім саюзам. Была адзначана гатоўнасць Беларусі да прадаўжэння кантактаў па тэматыцы правоў чалавека як па прамой лініі Беларусь - Еўрасаюз, так і з выкарыстаннем узгодненых урадам праграм садзейнічання развіццю з боку ўстаноў сістэмы ААН, падкрэслілі ў прэс-службе.

Акрамя таго, былі закрануты пытанні развіцця супрацоўніцтва паміж Беларуссю і Вышаградскай групай, тэмы міжнароднага і рэгіянальнага парадку дня.

Сёння ж адбыліся перагаворы дэлегацыі Вышаградскай групы з намеснікам міністра замежных спраў Аленай Купчыной.