Падзеі

У Мінску 20 снежня пройдзе сустрэча прадстаўнікоў ЦВК са спецыяльным каардынатарам місіі кароткатэрміновых наглядальнікаў АБСЕ на выбарах у Палату прадстаўнікоў Нацыянальнага сходу шостага склікання, намеснікам старшыні ПА АБСЕ Кентам Харстэдам. "Да гэтай сустрэчы Цэнтрвыбаркам адновіць работу міжведамаснай экспертнай групы, якая пачала дзейнічаць яшчэ да выбараў у беларускі парламент. Сумесная з ЦВК экспертная група вывучыць прапановы БДІПЧ, якія будуць агучаны на пасяджэнні ў Мінску, і выпрацуе нейкі дакумент (даклад Прэзідэнту) наконт іх рэалізацыі. Далей ужо кіраўнік дзяржавы вызначыць, якія з гэтых прапаноў могуць быць рэалізаваны ў выглядзе заканадаўчай ініцыятывы", - расказала Лідзія Ярмошына.

Пры прыняцці станоўчага рашэння законапраект будзе падрыхтаваны Цэнтрвыбаркамам, а пазней унесены ў парламент. "Думаю, што нашы эксперты з міжведамаснай групы выкажуць Кенту Харстэду нейкую сваю пазіцыю па карэкціроўках выбарчага заканадаўства ў нашай краіне", - дадала старшыня ЦВК.