Падзеі

Дзяржаўных узнагарод удастоены 62 прадстаўнікі розных сфер дзейнасці

Фота з архiва

10 красавіка, Мінск /Кар. БЕЛТА/. Дзяржаўных узнагарод удастоены 62 прадстаўнікі розных сфер дзейнасці. Адпаведны ўказ Прэзідэнт Беларусі Аляксандр Лукашэнка падпісаў 10 красавіка, паведамілі БЕЛТА ў прэс-службе беларускага лідара.

Ордэны, медалі і ганаровыя званні ім прысуджаны за шматгадовую плённую працу, высокі прафесіяналізм, узорнае выкананне службовых абавязкаў, смеласць і рашучасць, праяўленыя пры ратаванні людзей у час пажару, заслугі ў воінскай службе і ахове дзяржаўнай граніцы, значны асабісты ўклад у забеспячэнне законнасці і ўмацаванне правапарадку, развіццё будаўнічай галіны, грамадзянскай авіяцыі, дарожнай гаспадаркі, рэальнага сектара эканомікі і знешнеэканамічных сувязей, удасканаленне банкаўскай і падатковай сістэм, заканадаўства ў сферы кіравання дзяржаўнай маёмасцю, выдатныя дасягненні ў адукацыі, ахове здароўя, навуцы, культуры і мастацтве.

Ордэнам Пашаны ўзнагароджаны намеснік начальніка аддзела дзяржаўнага абвінавачання ўпраўлення Генеральнай пракуратуры па наглядзе за адпаведнасцю закону судовых рашэнняў па крымінальных справах Міхаіл Кавалёў, ордэнам Францыска Скарыны -  мастак-скульптар, член Беларускага саюза мастакоў Іван Міско.

Медаль "За выратаванае жыццё" прысуджана камандзіру аддзялення цэнтра вадалазна-выратавальнай службы Рэспубліканскага атрада спецыяльнага прызначэння "ЗУБР" МНС Мікіту Рудаку.

Вялікая група пагранічнікаў удастоена медаля "За адзнаку ў воінскай службе" і "За адзнаку ў ахове дзяржаўнай граніцы". У іх ліку начальнік аддзялення пагранічнай заставы 20-га пагранатрада Арцём Барсукоў і начальнік навукова-даследчай часткі Інстытута пагранічнай службы Павел Міранюк, а таксама камандзір пагранічнага судна звяна пагранічных судоў аддзялення берагавой варты пагранічнай камендатуры 19-й пагрангрупы Арцём Шапавал і камандзір разведвальна-пошукавай групы манеўранай групы 21-га пагранатрада Валерый Юшчанка адпаведна.

Заслугі значнай часткі работнікаў розных сфер адзначаны медалём "За працоўныя заслугі". Сярод іх - першы намеснік міністра фінансаў Дзмітрый Кійко, першы намеснік і намеснік старшыні праўлення ААТ "ААБ Беларусбанк" Аляксандр Паліўка і Дзмітрый Грышчанкоў, урач-кардыёлаг санаторыя "Лётцы" Уладзімір Румо, муляр філіяла "Будаўнічае ўпраўленне нумар 7" ААТ "Будаўнічы трэст нумар 4" Віктар Чыкун.

Медаля Францыска Скарыны ўдастоены лектар-музыказнавец Нацыянальнага акадэмічнага народнага аркестра Беларусі імя І.Жыновіча Вольга Брылон, галоўны навуковы супрацоўнік Інстытута цепла- і масаабмену імя А.В.Лыкава НАН Леанард Васільеў, дырэктар Інстытута механікі металапалімерных сістэм імя У.А.Белага НАН Андрэй Грыгор'еў, прафесар кафедры спеваў Беларускай дзяржаўнай акадэміі музыкі Пётр Рыдзігер і артыст аркестра Нацыянальнага акадэмічнага народнага хору Беларусі імя Г.І.Цітовіча Андрэй Таболіч.

Указам таксама прысвоены ганаровыя званні Рэспублікі Беларусь. Заслужаным артыстам стаў вядучы майстар сцэны Беларускай дзяржаўнай ордэна Працоўнага Чырвонага Сцяга філармоніі Уладзіслаў Плігаўка, заслужаным дзеячам культуры - старшыня Мінскага гарадскога аддзялення Саюза пісьменнікаў Беларусі Міхаіл Пазнякоў, заслужаным дзеячам навукі - загадчык лабараторыі хіміі раслін Цэнтральнага батанічнага саду НАН Жанна Рупасава, заслужаным пілотам - камандзір авіяцыйнага атрада ААТ "Авіякампанія "Белавія" Алег Салтоўскі.

Званне заслужанага настаўніка прысвоена настаўнікам рускай мовы і літаратуры гімназій нумар 14 Гомеля і нумар 1 імя Ф.Скарыны Мінска Жанне Жадзейка і Людміле Кушняровай.

версія для друку

зрабіць стартавай

дабавіць у выбранае