Падзеі

21 верасня, Мінск /Кар. БЕЛТА/. Дзяржаўны міністр па справах Еўропы і Амерыкі Міністэрства замежных спраў Вялікабрытаніі Алан Дункан наведае з візітам Беларусь 25-26 верасня. Аб гэтым паведаміў сёння журналістам на брыфінгу начальнік упраўлення інфармацыі - прэс-сакратар МЗС Беларусі Дзмітрый Мірончык, перадае карэспандэнт БЕЛТА.

"Гэта першы візіт у нашу краіну прадстаўніка ўрада Вялікабрытаніі такога высокага ўзроўню", - адзначыў Дзмітрый Мірончык.

У час візіту Алана Дункана ў Беларусь запланаваны шэраг мерапрыемстваў, у тым ліку сустрэча з міністрам замежных спраў Уладзімірам Макеем.