Падзеі

"Дзеці не павінны быць абдзелены, а безадказных бацькоў трэба прывесці да розуму". Лукашэнка пра дзіцячыя дапамогі

22 чэрвеня, Мінск /Кар. БЕЛТА/. У час нарады з кіраўніцтвам Савета Міністраў Прэзідэнт Беларусі Аляксандр Лукашэнка закрануў тэму выкарыстання дзіцячых дапамог, на якія дзяржава траціць немалыя сродкі, перадае карэспандэнт БЕЛТА.

Надзённым з'яўляецца пытанне, як бацькі выкарыстоўваюць дзіцячыя дапамогі. "Мы выдзяляем немалыя грошы для таго, каб падтрымаць дзетак, і не толькі шматдзетных, - адзначыў кіраўнік дзяржавы. - Цяпер амаль у 10 тысячах сем'яў дзеці прызнаны ў сацыяльна небяспечным становішчы. 10 тысяч сем'яў не могуць даглядзець як мае быць сваіх дзяцей. Нядбайныя бацькі проста прапіваюць дзіцячыя дапамогі, а пакутуюць дзеці".

Аляксандр Лукашэнка запатрабаваў, каб дзіцячыя дапамогі даходзілі да дзяцей, а не ішлі на бутэльку бацькам, і для гэтага павінны быць прыняты ўсе належныя меры.

У сувязі з гэтым кіраўнік дзяржавы запатрабаваў: "Сістэму трэба наладзіць дакладна - дзеці ні ў якім разе не павінны быць абдзелены, а безадказных бацькоў трэба прывесці да розуму".

версія для друку

зрабіць стартавай

дабавіць у выбранае