Падзеі

Дэпутаты прынялі ў першым чытанні законапраект па пытаннях занятасці насельніцтва

28 лютага, Мінск /Кар. БЕЛТА/. Дэпутаты на пасяджэнні дзясятай сесіі Палаты прадстаўнікоў сёмага склікання прынялі ў першым чытанні законапраект "Аб змяненні законаў па пытаннях занятасці насельніцтва", перадае карэспандэнт БЕЛТА.

Праект закона ўнесены ў Палату прадстаўнікоў Саветам Міністраў. Законапраектам прадугледжваецца комплекснае ўрэгуляванне грамадскіх адносін у галіне садзейнічання занятасці насельніцтва.

У прыватнасці, законапраектам прадугледжваецца: дапаўненне паняційнага апарату тэрмінамі "грамадзянін, які звярнуўся па пытаннях працаўладкавання", "квота для прыёму на работу інвалідаў", "субсідзіраванае рабочае месца", а таксама ўдакладненне тэрмінаў "аплатныя часовыя работы", "свабоднае рабочае месца (вакансія)". Устанаўліваецца фіксаваны памер дапамогі па беспрацоўі і ўводзяцца дадатковыя патрабаванні да яе атрымання. Прадугледжана скарачэнне перыядаў знаходжання беспрацоўных і грамадзян, якія звярнуліся па пытаннях працаўладкавання, на ўліку ў органах па працы, занятасці і сацыяльнай абароне. Удакладняюцца абавязкі грамадзян у галіне садзейнічання занятасці насельніцтва.

Уводзіцца інстытут кватавання рабочых месцаў для працаўладкавання інвалідаў. Вызначаны асноўныя задачы дзяржаўнай службы занятасці насельніцтва. Замацоўваецца норма, якая рэгулюе пытанні функцыянавання Інфармацыйнага партала дзяржаўнай службы занятасці насельніцтва. Узмацняецца кантроль за дзейнасцю агенцтваў па працаўладкаванні.

Пашыраюцца магчымасці атрымання грамадзянамі садзейнічання службы занятасці ў пошуку работы, а наймальнікаў - у падборы кадраў.

версія для друку

зрабіць стартавай

дабавіць у выбранае