Падзеі

Дата выдачы біяметрычных дакументаў стане вядома пасля прыняцця нарматыўнага акта - МУС

Фота з архiва

6 студзеня, Мінск /Кар. БЕЛТА/. Дата выдачы біяметрычных дакументаў стане вядома пасля прыняцця нарматыўнага акта. Такую інфармацыю размясціла ў сваім Telegram-канале прэс-сакратар МУС Вольга Чамаданава, паведамляе БЕЛТА.

Як расказаў намеснік начальніка Дэпартамента па грамадзянстве і міграцыі МУС Павел Хрышчановіч, цяпер усе падраздзяленні па грамадзянстве і міграцыі органаў унутраных спраў гатовы да прыёму грамадзян для выдачы біяметрычных дакументаў. "Супрацоўнікі навучаны рабоце на новым абсталяванні, прынялі ўдзел у паспяховай эксплуатацыі тэставай партыі такіх дакументаў", - адзначыў ён.

Гаворачы аб тэрмінах укаранення біяметрычных дакументаў, Павел Хрышчановіч дадаў, што ў бліжэйшы час чакаецца выданне адпаведнага заканадаўчага нарматыўнага прававога акта, які і пакладзе пачатак увядзенню біяметрыі ў Беларусі.

версія для друку

зрабіць стартавай

дабавіць у выбранае