Падзеі

Дарожную карту па прывядзенні дасье на лякарствы ў адпаведнасць з нормамі ЕАЭС падпісалі ў Беларусі

Фота з архiва

23 лютага, Мінск /Кар. БЕЛТА/. Кіруючая кампанія холдынга "Белфармпрам" і Цэнтр экспертыз і выпрабаванняў у ахове здароўя падпісалі мемарандум аб супрацоўніцтве. Таксама падпісана дарожная карта па прывядзенні рэгістрацыйнага дасье лекавага прэпарата ў адпаведнасць з нормамі ЕАЭС, паведамілі БЕЛТА ў прэс-службе Міністэрства аховы здароўя.

"Стратэгіяй развіцця "Вытворчасць асноўных прадуктаў і фармпрэпаратаў" прадугледжаны пераход да патрабаванняў ЕАЭС у рэгістрацыі лекавых сродкаў. Спецыялістам трэба будзе прывесці фармвытворчасці ў адпаведнасць з патрабаваннямі належнай вытворчай практыкі ЕАЭС і арганізаваць іх інспектаванне. Акрамя таго, будуць праведзены дадатковыя выпрабаванні лекавых прэпаратаў (хіміка-фармацэўтычныя, даклінічныя, клінічныя (біяэквівалентныя). Мерапрыемствы па пераходзе ўключаны ў стратэгіі развіцця арганізацый - удзельнікаў холдынга да 2025 года", - адзначылі ў прэс-службе.

Спецыялісты кіруючай кампаніі сфарміравалі план-графік падачы рэгістрацыйных дасье. За 2021-2025 гады запланавана рэгістрацыя ў адпаведнасці з патрабаваннямі ЕАЭС каля 1,6 тыс. новых лекпрэпаратаў.

версія для друку

зрабіць стартавай

дабавіць у выбранае