Падзеі

"Чырвоная лінія - гэта дзяржаўная граніца". Лукашэнка аб тым, у якім выпадку прыменяць ядзерную зброю

27 верасня, Мінск /Кар. БЕЛТА/. Прэзідэнт Беларусі Аляксандр Лукашэнка на сустрэчы са студэнтамі ў БДУІР расказаў, у якім выпадку можа быць прыменена ядзерная зброя, каб абараніць Беларусь і Расію, перадае карэспандэнт БЕЛТА.

"Я на форуме (патрыятычным форуме 17 верасня. - Заўвага БЕЛТА) гаварыў, што нападзенне на Беларусь - гэта трэцяя сусветная вайна. Дзякуй, нядаўна Пуцін гэта пацвердзіў, уносячы папраўкі ў ядзерную дактрыну, што нападзенне на Расію і Беларусь - мы прымяняем ядзерную зброю. Ён пацвердзіў мае словы. У гэтым сутнасць была маёй заявы. Як толькі яны нападаюць на нас (НАТА ёсць НАТА. Амерыканцы і палякі - яны ўжо сталі ўздоўж граніцы, асабліва польскай. Ведаем, што кіраўніцтва Польшчы ўжо рукі пацірае), мы прымяняем ядзерную зброю. І Расія за нас уцягваецца", - сказаў Прэзідэнт.

"Мы прыменім ядзерную зброю - нам могуць адказаць. І па Расіі ў тым ліку. Таму Расія ўвесь арсенал прыменіць. А гэта ўжо сусветная вайна. Гэтага не хоча і Захад. Яны да гэтага не гатовы. Але мы ім адкрыта гаворым: чырвоная лінія - гэта дзяржаўная граніца. Наступілі на яе - адказ будзе імгненным. Мы да гэтага рыхтуемся. Я сумленна і адкрыта пра гэта гавару", - дадаў Аляксандр Лукашэнка.

"Ёсць пэўныя межы, рамкі. Нам трэба дамовіцца з украінцамі, трэба спыніць гэту вайну", - заклікае Прэзідэнт.

Ён упэўнены, што нармальныя адносіны паміж людзьмі з часам адновяцца. "Толькі далей не трэба заходзіць тут. І так панаварочвалі ўжо далей некуды. Трэба дамаўляцца. Гэта мая цвёрдая пазіцыя", - заявіў беларускі лідар.

версія для друку

зрабіць стартавай

дабавіць у выбранае