Падзеі

Чушаў абмеркаваў міжпарламенцкае ўзаемадзеянне з кіраўніком групы азербайджана-беларускіх сувязей

Фота з архiва

28 ліпеня, Мінск /Кар. БЕЛТА/. Часовы павераны ў справах Рэспублікі Беларусь у Азербайджанскай Рэспубліцы Уладзімір Чушаў 27 ліпеня сустрэўся з кіраўніком рабочай групы азербайджана-беларускіх міжпарламенцкіх сувязей Мілі Меджліса (парламента) Азербайджанскай Рэспублікі акадэмікам Зіядам Самедзадэ. Аб гэтым карэспандэнту БЕЛТА расказалі ў пасольстве нашай краіны ў Баку.

"Былі закрануты пытанні стану і перспектыў міжпарламенцкага ўзаемадзеяння, супрацоўніцтва па лініі рабочых груп, а таксама іншыя пытанні, якія маюць узаемны інтарэс", - адзначылі ў беларускай дыпламатычнай місіі.

Дыпламатычныя адносіны паміж Рэспублікай Беларусь і Азербайджанскай Рэспублікай устаноўлены 11 чэрвеня 1993 года. У 2023 годзе будзе адзначацца 30-гадовы юбілей дыпадносін. За гэты час сфарміраваны трывалыя традыцыі двухбаковых адносін, якія характарызуюцца адкрытасцю, даверам, дружбай і ўзаемадапамогай. Адным з найважнейшых дасягненняў з'яўляецца выхад двухбаковых адносін на ўзровень стратэгічнага партнёрства.

версія для друку

зрабіць стартавай

дабавіць у выбранае