Падзеі
Будаўніцтва новага комплексу будынкаў беларускай дыпмісіі завяршаецца ў Ашхабадзе
16 лютага, Мінск /Уладзімір Мацвееў - БЕЛТА/. Дэлегацыя МЗС Беларусі на чале з намеснікам міністра замежных спраў Яўгенам Шэстаковым знаходзіцца з візітам у Туркменістане. Інфармацыя аб гэтым размешчана на сайце беларускага дыппрадстаўніцтва, паведамляе БЕЛТА.
"Мэтай рабочага візіту з'яўляецца абмеркаванне пытанняў пашырэння беларуска-туркменскага супрацоўніцтва, а таксама падрыхтоўка да здачы ў эксплуатацыю новага комплексу будынкаў беларускай дыпмісіі, узвядзенне якога завяршаецца ў Ашхабадзе", - інфармуе пасольства.
Ужо адбылася сустрэча Яўгена Шэстакова і членаў беларускай дэлегацыі з намеснікам міністра замежных спраў Туркменістана Бердыніязам Мяціевым. Бакі грунтоўна абмеркавалі актуальныя пытанні шматпланавага ўзаемадзеяння дзвюх краін, адзначыўшы высокі ўзровень стратэгічнага партнёрства як у двухбаковым фармаце, так і на міжнароднай арэне. Візіт дэлегацыі прадоўжыцца да 18 лютага.
версія для друку
зрабіць стартавай
дабавіць у выбранае