12 верасня, Мінск /Кар. БЕЛТА/. Больш за 230 тыс. іншаземцаў наведалі Беларусь па бязвізе. Аб гэтым БЕЛТА паведамілі ў Дзяржаўным пагранічным камітэце.
У Дзяржпагранкамітэце расказалі, што беларускім бязвізам скарысталіся больш за 230 тыс. іншаземцаў. З 15 красавіка па бязвізавым рэжыме ў Беларусь прыбылі 149 413 грамадзян Літвы, 58 945 грамадзян і 17 979 неграмадзян Латвіі. Акрамя таго, з 1 ліпеня правам бязвізавага ўезду скарысталіся амаль 7 тыс. грамадзян Польшчы.
У ведамстве нагадалі, што падрабязная інфармацыя пра бязвізавае наведванне Беларусі размешчана ў спецыяльным раздзеле інтэрнэт-партала Дзяржпагранкамітэта і ў мабільным дадатку "Граніца Беларусі".