Падзеі

26 кастрычніка, Мінск /Кар. БЕЛТА/. Сёння ў Гомельскай вобласці паспяхова праведзены баявыя пускі мадэрнізаванай версіі рэактыўнай сістэмы залпавага агню "Паланэз". Аб гэтым БЕЛТА паведамілі ў Міністэрстве абароны.

Як адзначаюць у ведамстве, выдатныя вынікі баявой стральбы пацвердзілі ўнікальныя магчымасці гэтай зброі з новай ракетай павышанай далёкасці. "Маршрут палёту ракеты быў разлічаны над бязлюднымі і маланаселенымі раёнамі краіны і карэкціраваўся на ўсім яго працягу, - расказалі ў міністэрстве. - Ракеты з вялікімі магчымасцямі паразілі назначаныя цэлі і пацвердзілі заяўленыя тактыка-тэхнічныя характарыстыкі па далёкасці і дакладнасці. Пасля правядзення мадэрнізацыі ракетная сістэма дазваляе паражаць назначаныя аб'екты ў радыусе да 300 км".

Рэактыўная сістэма залпавага агню вялікай далёкасці "Паланэз" створана айчыннымі арганізацыямі абароннага сектара эканомікі і адпавядае лепшым сусветным аналагам. У далейшым плануецца паступленне мадэрнізаванай сістэмы залпавага агню "Паланэз" на ўзбраенне ракетных войскаў і артылерыі Узброеных Сіл Беларусі, што значна павысіць іх магчымасці па вырашэнні шырокага спектра агнявых задач.