Падзеі

У склад беларускай дэлегацыі ўвайшлі старшыня Пастаяннай камісіі Савета Рэспублікі па міжнародных справах і нацыянальнай бяспецы Уладзімір Сянько і намеснік старшыні Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы Алена Шамаль.

"Запланаваны ўдзел дэпутата Алены Шамаль у пасяджэннях кіруючага савета Міжпарламенцкага саюза, яго пастаянных камітэтаў па ўстойлівым развіцці, фінансах і гандлі, па пытаннях дэмакратыі і правоў чалавека, савета форуму маладых парламентарыяў, каардынацыйнага камітэта жанчын-парламентарыяў, а таксама геапалітычнай групы "Еўразія", - праінфармавалі ў прэс-службе.

У час агульных дэбатаў Пастаяннага камітэта МПС па пытаннях дэмакратыі і правоў чалавека Алена Шамаль выступіць з дакладам "Доступ да медыцынскага абслугоўвання як асноўнае права чалавека: роля парламентаў у вырашэнні ключавых праблем у сферы здароўя жанчын і дзяцей".