Падзеі

Як растлумачыў старшыня Камітэта дзяржаўнай бяспекі Валерый Вакульчык, дакумент падпісаны 26 сакавіка 2015 года ў Мінску. "У ходзе знешнепалітычнага, эканамічнага, навукова-тэхнічнага і іншага супрацоўніцтва з малдаўскім бокам можа ўзнікнуць неабходнасць перадачы звестак закрытага характару. Заключэнне пагаднення дасць магчымасць поўнасцю ўрэгуляваць пытанні абароны дзяржаўных сакрэтаў Беларусі і дзяржаўнай тайны Малдовы пры двухбаковым узаемадзеянні", - растлумачыў ён.

Паводле слоў Валерыя Вакульчыка, уводзяцца ўсе неабходныя механізмы, уключаючы парадак звароту і перадачы сакрэтнай інфармацыі, а таксама меры па яе захаванасці. Кампетэнтным органам Беларусі, адказным за рэалізацыю пагаднення, вызначаны КДБ.

Акрамя таго, сёння на пасяджэнні Палата прадстаўнікоў ратыфікавала пратакол аб узаемадзеянні дзяржаў - членаў АДКБ па процідзеянні злачыннай дзейнасці ў інфармацыйнай сферы.