Падзеі
Беларускія дэпутаты ратыфікавалі дагаворы з ААЭ аб выдачы і дапамогі па крымінальных справах
13 мая, Мінск /Кар. БЕЛТА/. Палата прадстаўнікоў Нацыянальнага сходу Беларусі ратыфікавала сёння дагаворы з Аб'яднанымі Арабскімі Эміратамі (ААЭ) аб узаемнай прававой дапамозе па крымінальных справах і аб выдачы, перадае карэспандэнт БЕЛТА.
Як растлумачыў намеснік міністра юстыцыі Беларусі Ігар Тушынскі, прадстаўляючы законапраекты аб ратыфікацыі дагавораў у парламенце, гэтыя дакументы закладваюць базу супрацоўніцтва Беларусі і ААЭ ў прававой сферы. Дагаворы былі падпісаны ў Абу-Дабі 22 кастрычніка 2014 года. Супрацоўніцтва па абодвух дагаворах на практыцы будзе ажыццяўляцца праз Генеральную пракуратуру Беларусі і Міністэрства юстыцыі ААЭ.
Дагавор аб выдачы прадугледжвае, што, напрыклад, Беларусь можа прасіць выдаць беларускага грамадзяніна, які знаходзіцца на тэрыторыі ААЭ. Але адзін бок не можа выдаваць другому свайго грамадзяніна, які знаходзіцца ў дзяржаве сваёй грамадзянскай прыналежнасці.
Дапамога па крымінальных справах будзе датычыцца вышуку, накладання арышту, канфіскацыі даходаў ад злачынства, перадачы рэчавых доказаў і іншых момантаў.
версія для друку
зрабіць стартавай
дабавіць у выбранае