Падзеі

Беларускія дэпутаты правялі анлайн-сустрэчу з прадстаўнікамі Камуністычнай партыі Іспаніі

Фота house.gov.by

24 мая, Мінск /Кар. БЕЛТА/. Дэпутаты Палаты прадстаўнікоў прынялі ўдзел у анлайн-сустрэчы з прадстаўнікамі Камуністычнай партыі Іспаніі, паведамляе карэспандэнт БЕЛТА.

Мерапрыемства было прысвечана абмеркаванню грамадска-палітычнай абстаноўкі ў Беларусі.

"Грамадска-палітычная сітуацыя ў Беларусі стабілізавалася. Дзяржаўныя і праваахоўныя органы, сістэма кіравання краінай, сацыяльная сфера - усё працуе ў стандартным рэжыме", - сказаў дэпутат Палаты прадстаўнікоў Сяргей Клішэвіч.

Іспанскіх калег цікавіла пытанне, якую ролю ў пратэстах адыгралі СМІ і сацыяльныя сеткі. "Для аналагічных аперацый заўсёды выкарыстоўваюцца сацсеткі, якія знаходзяцца па-за нацыянальнай юрысдыкцыяй. У нашым выпадку гэта быў Telegram - гэта сетка ўпершыню выкарыстоўвалася ў нас менавіта для палітычных мэт. Раней праз яе ў асноўным прадавалі наркотыкі і распаўсюджвалі дзіцячую парнаграфію, паколькі алгарытмы сеткі лічыліся абароненымі. Менавіта з дапамогай гэтага мэсэнджара каардынаваліся вулічныя выступленні, планы беспарадкаў, маршруты руху", - адзначыла дэпутат Палаты прадстаўнікоў Наталля Голуб.

Як дадаў Сяргей Клішэвіч, з такой сітуацыяй сутыкаліся многія дзяржавы. "Ёсць нейкі крытычны перыяд, каля месяца, калі сацсеткі выступаюць у якасці асноўнага інструмента дэстабілізацыі. Работа з моладдзю праз сацыяльныя сеткі - гэта адзін з этапаў іх падрыхтоўкі да дэструктыўных дзеянняў. І сацыяльныя сеткі тут дзейнічаюць паралельна са СМІ, якія кантралююцца заказчыкамі гэтых дзеянняў. У нашым выпадку канкрэтна ЗША і ЕС. Таму не заўсёды ўдаецца знайсці зламыснікаў, тых, хто заклікае да такіх дзеянняў, і ліквідаваць такі канал. Думаю, ёсць неабходнасць усім разам сабрацца і, магчыма, на ўзроўні ААН абмеркаваць пытанні, як сёння процістаяць гэтай проціпраўнай дзейнасці ў сацыяльных сетках", - канстатаваў парламентарый.

У мэтах устанаўлення дыялогу, а таксама фарміравання аб'ектыўнага ўспрымання нашай краіны пасля правядзення прэзідэнцкіх выбараў 13 лютага 2021 года была арганізавана першая сустрэча прадстаўнікоў Камуністычнай партыі Іспаніі з дэпутатамі Палаты прадстаўнікоў у анлайн-фармаце. У ходзе названай сустрэчы была дасягнута дамоўленасць прадоўжыць дыялог.

Анлайн-сустрэча прайшла пры падтрымцы пасольства Беларусі ў Іспаніі.

версія для друку

зрабіць стартавай

дабавіць у выбранае