Падзеі

Беларуская дэлегацыя прыме ўдзел ў 65-й сесіі Генеральнай канферэнцыі МАГАТЭ

Фота з архiва

17 верасня, Мінск /Кар. БЕЛТА/. Беларуская дэлегацыя на чале з міністрам энергетыкі Віктарам Каранкевічам прыме ўдзел у 65-й сесіі Генеральнай канферэнцыі МАГАТЭ, якая пройдзе з 20 па 24 верасня ў штаб-кватэры арганізацыі ў Вене, паведамілі БЕЛТА ў прэс-службе Мінэнерга.

Парадак дня пленарнага пасяджэння 65-й сесіі Генеральнай канферэнцыі МАГАТЭ ўключае разгляд пытанняў па забеспячэнні ядзернай і радыяцыйнай бяспекі, фізічнай ядзернай бяспекі, прымаемыя меры па барацьбе з COVID-19, магчымасці ўмацавання дзейнасці агенцтва ў галіне тэхнічнага супрацоўніцтва. Будуць таксама абмеркаваны пытанні прымянення гарантый МАГАТЭ, перспектывы пашырэння выкарыстання дасягненняў ядзернай навукі і тэхналогій.

На пленарным пасяджэнні сесіі запланавана выступленне кіраўніка беларускай дэлегацыі - міністра энергетыкі Віктара Каранкевіча. Кіраўнік Мінэнерга таксама прыме ўдзел у адкрыцці беларускай экспазіцыі, дзе будзе прадстаўлена інфармацыя аб дасягненнях Беларусі ў сферы ядзернай энергетыкі, рэалізацыі праекта па будаўніцтве БелАЭС, а таксама аб развіцці сацыяльна-эканамічнай інфраструктуры горада атамшчыкаў Астраўца.

Акрамя таго, запланавана сустрэча Віктара Каранкевіча з генеральным дырэктарам МАГАТЭ Рафаэлем Марыяна Гросі. На палях сесіі міністр таксама правядзе шэраг двухбаковых сустрэч з кіраўнікамі іншых дэлегацый.

Беларусь узаемадзейнічае з МАГАТЭ па ўсім спектры дзейнасці агенцтва. Асаблівую ролю адыгрывае работа з МАГАТЭ па пытаннях рэалізацыі нацыянальнай ядзерна-энергетычнай праграмы і развіцця інфраструктуры ядзернай энергетыкі і ядзернай бяспекі. Важным складнікам узаемадзеяння з агенцтвам у гэтай галіне з'яўляецца запрашэнне ў Беларусь ацэначных і кансультацыйных місій. З 2012 па 2021 гады ў Беларусі праведзены ўсе ключавыя місіі МАГАТЭ, рэкамендаваныя для краін, якія будуюць сваю першую АЭС.

версія для друку

зрабіць стартавай

дабавіць у выбранае