Падзеі

Беларуска-расійскі навукова-касмічны форум пройдзе 28 верасня ў Маскве

Фота з архiва

23 верасня, Масква /Эдуард Півавар - БЕЛТА/. Беларуска-расійскі экспертна-медыйны форум "Прамысловае і тэхналагічнае супрацоўніцтва Беларусі і Расіі. Навука. Космас. Адукацыя" пройдзе 28 верасня ў Маскве, паведамілі БЕЛТА арганізатары.

Мэтай правядзення форуму з'яўляецца ўмацаванне супрацоўніцтва паміж Беларуссю і Расіяй, развіццё навукі, прамысловасці, новых сфер бізнесу і тэхналогій. Эксперты абмяркуюць магчымасці сумеснай работы ў рамках касмічных праграм, а таксама шляхі ўзмацнення прамысловай кааперацыі ў Саюзнай дзяржаве. "Асаблівая ўвага будзе ўдзелена развіццю навукова-тэхналагічнай базы дзяржаў і сумесным праектам у галіне вышэйшай тэхнічнай адукацыі", - адзначылі арганізатары.

Чакаецца, што ўдзельнікамі форуму стануць старшыня Прэзідыума Нацыянальнай акадэміі навук Беларусі Уладзімір Гусакоў, міністр адукацыі Беларусі Андрэй Іванец, дзяржаўны сакратар Саюзнай дзяржавы Дзмітрый Мезенцаў, памочнік Прэзідэнта Расіі Андрэй Фурсенка, генеральны дырэктар Дзяржаўнай карпарацыі па касмічнай дзейнасці "Раскосмас" Юрый Барысаў, прэзідэнт даследчага цэнтра "Курчатаўскі інстытут" Міхаіл Кавальчук, рэктар МДУ імя М.В. Ламаносава Віктар Садоўнічы, выканаўчы дырэктар па пілатуемых касмічных праграмах карпарацыі "Раскосмас"Сяргей Крыкалёў, намеснік камандзіра атрада касманаўтаў карпарацыі "Раскосмас" касманаўт Алег Навіцкі.

Арганізатарамі форуму выступаюць Пастаянны камітэт Саюзнай дзяржавы і міжнародная медыягрупа "Расія сёння".

версія для друку

зрабіць стартавай

дабавіць у выбранае