Падзеі

Беларусь выйшла ў лідары сярод краін СНД у рэйтынгу дасягнення Мэт устойлівага развіцця

Фота з архiва

3 студзеня, Мінск /Кар. БЕЛТА/. Беларусь з'яўляецца лідарам сярод краін СНД у рэйтынгу дасягнення Мэт устойлівага развіцця. Аб гэтым гаворыцца ў аналітычнай справаздачы "НСУР-2035 у лічбах: вынікі рэалізацыі прыярытэтаў устойлівага развіцця", падрыхтаванай НДЭІ Мінэканомікі, паведамляе БЕЛТА.

Галоўныя дасягненні ў развіцці беларускай эканомікі - забеспячэнне і падтрыманне макраэканамічнай збалансаванасці, паступовае аднаўленне дынамікі эканамічнага росту і даходаў насельніцтва, падтрыманне стабільнага ўзроўню занятасці і недапушчэнне росту беспрацоўя ў краіне.

Нягледзячы на змену геаэканамічнай сітуацыі, у 2023 годзе ўдалося дасягнуць росту ВУП (103,8 працэнта). Устойлівым трэндам стала зніжэнне даўгавой нагрузкі на эканоміку. Валавы знешні доўг адносна ВУП знізіўся з 68,7 працэнта ў 2020 годзе да 48,9 працэнта да ВУП (па стане на 1 ліпеня 2023 года).

ВУП на душу насельніцтва па парытэце пакупной здольнасці (ППЗ) вырас з $20,3 тыс. у 2020-м да $25,2 тыс. (паводле ацэнкі) у 2023 годзе.

У Беларусі адзін з самых нізкіх паказчыкаў узроўню малазабяспечанасці насельніцтва сярод краін СНД. У 2022 годзе яго значэнне склала 3,9 працэнта. Пастаўлены ў НСУР-2035 мэтавы арыенцір па зніжэнні ўзроўню малазабяспечанасці насельніцтва (да 4 працэнтаў у 2035 годзе) ужо дасягнуты.

Беларусь уваходзіць у групу краін з высокім узроўнем чалавечага развіцця, займаючы 60-е месца сярод 191 краіны ў рэйтынгу дзяржаў па індэксе чалавечага развіцця. Рэспубліка захоўвае самую высокую пазіцыю сярод краін СНД у рэйтынгу дасягнення Мэт устойлівага развіцця. Беларусь знаходзіцца на 34 месцы сярод больш як 160 краін.

версія для друку

зрабіць стартавай

дабавіць у выбранае