Падзеі
Беларусь разлічвае на падпісанне з Расіяй пратакола па нафце і газе на наступным тыдні
16 лютага, Мінск /Кар. БЕЛТА/. Намеснік прэм'ер-міністра Беларусі Уладзімір Сямашка разлічвае на падпісанне з Расіяй пратакола па нафце і газе на наступным тыдні. Аб гэтым ён заявіў сёння журналістам у Мінску, перадае карэспандэнт БЕЛТА.
"У пятніцу-суботу мы правялі чарговыя перагаворы, склалі праект пратакола з маім калегам Дварковічам. Цяпер гэты пратакол знаходзіцца на разглядзе ў расійскага кіраўніцтва. Спадзяюся, што на наступным тыдні ён убачыць свет", - сказаў віцэ-прэм'ер.
Чакаецца, што гэты дакумент павінен урэгуляваць спрэчныя пытанні паміж Беларуссю і Расіяй па пастаўках нафты і цане на газ. Як паведамлялася, Беларусь настойвае на зніжэнні кошту расійскага газу. Таксама бакі прапрацоўваюць узаемапрымальныя ўмовы па пастаўках нафты.
версія для друку
зрабіць стартавай
дабавіць у выбранае