Падзеі

Беларусь правядзе з В'етнамам перагаворы па праекце пагаднення аб адмене віз

Фота з архiва

30 лістапада, Мінск /Кар. БЕЛТА/. Кіраўнік дзяржавы Аляксандр Лукашэнка падпісаў указ нумар 383, якім адобрыў у якасці асновы для правядзення перагавораў праект міжурадавага пагаднення Беларусі і В'етнама аб адмене віз для ўладальнікаў нацыянальных пашпартоў. Аб гэтым БЕЛТА паведамілі 29 лістапада ў прэс-службе Прэзідэнта.

На правядзенне перагавораў і падпісанне пагаднення пры дасягненні дамоўленасці ў межах адобранага праекта ўпаўнаважана Міністэрства замежных спраў.

Яшчэ адным указам Прэзідэнт адобрыў у якасці асновы для правядзення перагавораў праект пагаднення паміж Беларуссю і В'етнамам аб перадачы асоб, асуджаных на пазбаўленне волі, для далейшага адбывання пакарання. Міністэрства ўнутраных спраў упаўнаважана на правядзенне перагавораў і падпісанне пагаднення пры дасягненні дамоўленасці ў межах адобранага праекта.

версія для друку

зрабіць стартавай

дабавіць у выбранае