Падзеі
Беларусь поўная рашучасці дапамагчы ПАР у развіцці прамысловасці і сельскай гаспадаркі - пасол
18 студзеня, Мінск /Кар. БЕЛТА/. Беларусь поўная рашучасці аказаць пасільную дапамогу Паўднёва-Афрыканскай Рэспубліцы ў развіцці прамысловасці і сельскай гаспадаркі. Аб гэтым заявіў Надзвычайны і Паўнамоцны Пасол Беларусі ў ПАР Аляксандр Сідарук у час уручэння даверчых грамат прэзідэнту гэтай краіны Джэйкабу Зуму, паведамілі БЕЛТА ў беларускай дыпмісіі.
Аляксандр Сідарук адзначыў, што Беларусь і Паўднёвая Афрыка звязаны дзесяцігоддзямі сапраўднай дружбы, карані якой узыходзяць да часоў падтрымкі Савецкім Саюзам афрыканскага народа ў барацьбе супраць рэжыму апартэіду. Пасол падкрэсліў, што яго краіна поўная рашучасці аказаць пасільную дапамогу ПАР у развіцці прамысловасці і сельскай гаспадаркі, а таксама IT-сектара, у тым ліку з дапамогай навучання студэнтаў з ПАР у Беларусі.
Беларускі дыпламат пацвердзіў нацэленасць рэспублікі на далейшае развіццё і ўмацаванне двухбаковага дыялогу і адносін з ПАР ва ўсіх сферах у інтарэсах абедзвюх краін і народаў.
версія для друку
зрабіць стартавай
дабавіць у выбранае