Падзеі

"Думаю, што на працягу года мы гэта пытанне прапрацуем. У бюджэце будуць выдзелены адпаведныя сродкі, і такое дыпламатычнае прадстаўніцтва ў Грузіі мы абавязкова адкрыем на працягу года", - сказаў беларускі лідар.

Аляксандр Лукашэнка прызнаў, што вырашэнне гэтага пытання неапраўдана зацягнулася. "Гэта як выключэнне, можа. Грузія - наша рэспубліка, мы жылі разам, таму гэта ненармальна", - лічыць кіраўнік беларускай дзяржавы.

Прэзідэнт адзначыў, што ў Беларусі ёсць такі падыход, калі гандлёва-эканамічныя адносіны паміж краінамі выходзяць на даволі высокі ўзровень, вырашаецца пытанне аб адкрыцці пасольства. "Таму што ў нас у МЗС гандлёва-эканамічныя адносіны - гэта пытанне нумар адзін. Тут няма белых каўнерыкаў і манжэт, МЗС перш за ўсё займаецца знешнеэканамічнымі сувязямі", - сказаў беларускі лідар.

Аляксандр Лукашэнка нагадаў, што за мінулыя два дні Беларусь і Грузія выйшлі на дамоўленасці, у выніку рэалізацыі якіх двухбаковы тавараабарот бачыцца ў аб'ёме $200 млн. "Таму тут неабходна дыпламатычнае прадстаўніцтва, якое будзе займацца і дыпламатыяй, у нас тут праблем няма, і палітыкай, і гандлем, гандлёва-эканамічнымі адносінамі", - адзначыў Прэзідэнт.