Падзеі
Беларусь мае намер прадоўжыць цеснае супрацоўніцтва з МАГАТЭ пры рэалізацыі праекта БелАЭС
14 чэрвеня, Мінск /Кар. БЕЛТА/. Беларусь мае намер прадоўжыць цеснае супрацоўніцтва з Міжнародным агенцтвам па атамнай энергіі (МАГАТЭ) пры рэалізацыі праекта БелАЭС. Аб гэтым заявіў намеснік міністра замежных спраў Беларусі Валянцін Рыбакоў у Вене на сустрэчы з генеральным дырэктарам МАГАТЭ Юкія Амана. Аб гэтым паведамляецца ў афіцыйным твітар-акаўнце Міністэрства замежных спраў Беларусі, перадае БЕЛТА.
Намеснік міністра адзначыў, што публікацыя Беларуссю дакладаў МАГАТЭ, іншых міжнародных структур - практычнае сведчанне адкрытасці пры рэалізацыі праекта БелАЭС. Валянцін Рыбакоў паведаміў аб тым, што Беларусь зрабіла адкрытымі для грамадскасці справаздачы місій агенцтва па інтэграванай ацэнцы рэгулюючай інфраструктуры і па ацэнцы праектавання пляцоўкі АЭС з улікам знешніх падзей (місія
SEED).На палях сесіі Савета кіраўнікоў агенцтва бакі таксама абмеркавалі ўзаемадзеянне па лініі Беларусь-МАГАТЭ, у прыватнасці, па праграме тэхнічнага супрацоўніцтва МАГАТЭ, уключаючы падрыхтоўку нацыянальных праектаў тэхнічнага супрацоўніцтва для Беларусі на
2018-2019 гады.Як паведамлялася, з удзелам
Беларусі ў штаб-кватэры Міжнароднага агенцтва па атамнай энергіі ў Вене 12 чэрвеня пачала работу чарговая сесія Савета кіраўнікоў агенцтва. Дэлегацыю Беларусі ўзначальвае кіраўнік ад краіны, намеснік міністра замежных спраў Валянцін Рыбакоў.
версія для друку
зрабіць стартавай
дабавіць у выбранае