Падзеі

4 снежня, Мінск /Аліна Грышкевіч - БЕЛТА/. Надзвычайны і Паўнамоцны Пасол Беларусі ў Ізраілі Уладзімір Скварцоў і міністр аліі і інтэграцыі Ізраіля, сустаршыня сумеснага беларуска-ізраільскага камітэта па гандлёвым і эканамічным супрацоўніцтве (СБІК) Софа Ландвер на сустрэчы абмеркавалі далейшыя крокі па пашырэнні ўсебаковага супрацоўніцтва дзвюх краін. У сустрэчы таксама прыняў удзел дырэктар дэпартамента "Еўразія-1" МЗС Ізраіля Якаў Ліўне, паведамілі карэспандэнту БЕЛТА ў беларускай дыпмісіі.

У час абмеркавання двухбаковага парадку дня асаблівы акцэнт быў зроблены на ўзаемнай ацэнцы ходу рэалізацыі дамоўленасцей, дасягнутых на пятым пасяджэнні СБІК у Мінску ў сакавіку. Адзначалася, што некаторыя з намечаных мерапрыемстваў ужо выкананы, па астатніх работа прадаўжаецца. Закраналіся таксама розныя напрамкі міжведамаснай кааперацыі, уключаючы супрацоўніцтва па лініі МЗС абедзвюх краін у форме правядзення экспертных кансультацый па шырокім спектры знешнепалітычнай праблематыкі. Акрамя таго, абмеркаваны асобныя аспекты, звязаныя са станам праектаў двухбаковых пагадненняў, што знаходзяцца на розных стадыях прапрацоўкі. Адзначыўшы дасягнуты высокі ўзровень збалансаванасці ва ўзаемным гандлі і тэндэнцыю актывізацыі інвестыцыйнага супрацоўніцтва, кіраўнік дыпмісіі звярнуў увагу на існуючы ў Беларусі патэнцыял для ізраільскіх інвестараў.

Акрамя таго, размова ішла аб 25-годдзі ўстанаўлення дыпламатычных адносін паміж Беларуссю і Ізраілем, да якога быў прымеркаваны шэраг падзей палітычнага, эканамічнага і інфармацыйна-культурнага кантэксту ў абедзвюх краінах. У папярэднім парадку ўзгоднены агульны алгарытм падрыхтоўкі чарговага, шостага пасяджэння СБІК, якое плануецца правесці ў 2018 годзе.

Уладзімір Скварцоў праінфармаваў міністра аліі і інтэграцыі аб графіку ўзаемных візітаў, што маюць адбыцца ў бліжэйшыя месяцы ў рамках міжведамаснага і парламенцкага супрацоўніцтва дзвюх краін.