Падзеі

21 чэрвеня, Масква /Эдуард Півавар - БЕЛТА/. Беларусь і Харватыя маюць намер актывізаваць супрацоўніцтва ў палітычнай і гандлёва-эканамічнай сферах. Аб гэтым БЕЛТА паведамілі ў прэс-службе беларускай дыпмісіі ў Маскве па выніках праведзенай сёння сустрэчы Надзвычайнага і Паўнамоцнага Пасла Беларусі ў Расіі Ігара Петрышэнкі з Надзвычайным і Паўнамоцным Паслом Харватыі ў РФ Тончы Станічачам.

"Адбыўся зацікаўлены абмен думкамі па пытаннях актывізацыі беларуска-харвацкага супрацоўніцтва ў палітычнай і гандлёва-эканамічнай сферах, пашырэння дагаворна-прававой базы двухбаковых адносін", - адзначылі ў прэс-службе.

Дыпламатычныя адносіны паміж Беларуссю і Харватыяй устаноўлены 25 верасня 1992 года. Па выніках 2016-га аб'ём двухбаковага тавараабароту склаў $14,3 млн.