Падзеі

Беларусь і Вялікабрытанія абмеркавалі ўзаемадзеянне ў міжнародных арганізацыях

6 сакавіка, Мінск /Кар. БЕЛТА/. Узаемадзеянне Беларусі і Вялікабрытаніі ў рамках міжнародных арганізацый абмяркоўвалася на сустрэчы Надзвычайнага і Паўнамоцнага Пасла Беларусі ў Злучаным Каралеўстве Вялікабрытаніі і Паўночнай Ірландыі Сяргея Алейніка з дзяржаўным міністрам па справах садружнасці і Арганізацыі Аб'яднаных Нацый МЗС Вялікабрытаніі лордам Ахмадам Уімблдонскім, паведамілі БЕЛТА ў прэс-службе МЗС.

У ходзе сустрэчы бакі таксама абмеркавалі актуальны парадак дня ААН. Асаблівая ўвага ўдзелена каардынацыі міжнародных намаганняў па выкананні Мэт устойлівага развіцця ААН з улікам праведзенага нядаўна ў Мінску рэгіянальнага форуму каардынатараў па МУР.

Сяргей Алейнік падзякаваў брытанскаму боку за аказаную гуманітарную дапамогу Беларусі ў сувязі з ліквідацыяй наступстваў аварыі на Чарнобыльскай АЭС.

версія для друку

зрабіць стартавай

дабавіць у выбранае