Падзеі

Беларусь і В'етнам выказалі зацікаўленасць у інтэнсіфікацыі кантактаў у ваеннай сферы

Фотa vayar.mil.by

20 снежня, Мінск /Кар. БЕЛТА/. У Ханоі начальнік Дэпартамента міжнароднага ваеннага супрацоўніцтва - памочнік міністра абароны па пытаннях міжнароднага ваеннага супрацоўніцтва Валерый Равенка правёў двухбаковую сустрэчу з начальнікам Упраўлення знешніх сувязей Міністэрства нацыянальнай абароны В'етнама Ву Тхань Ванем. Аб гэтым БЕЛТА паведамілі ў Міністэрстве абароны Беларусі.

Кіраўнік беларускай ваеннай дэлегацыі павіншаваў в'етнамскага калегу з надыходзячым святам - 79-й гадавінай з дня ўтварэння В'етнамскай народнай арміі.

Бакі абмеркавалі вынікі рэалізацыі плана двухбаковага супрацоўніцтва на 2023 год і ўзгаднілі пералік мерапрыемстваў на наступны год. Па выніках сустрэчы была выказана ўзаемная зацікаўленасць у падтрыманні дыялогу і інтэнсіфікацыі кантактаў у ваеннай сферы на ўсіх узроўнях.

версія для друку

зрабіць стартавай

дабавіць у выбранае