Падзеі

Беларусь і Турцыя абмяняліся меркаваннямі па пытаннях рэгіянальнага і глабальнага парадку дня

Бурак Акчапар і Юрый Амбразевіч. Фота МЗС

2 красавіка, Мінск /Кар. БЕЛТА/. У Стамбуле прайшоў чарговы раўнд палітычных кансультацый на ўзроўні намеснікаў кіраўнікоў знешнепалітычных ведамстваў Беларусі і Турцыі Юрыя Амбразевіча і Бурака Акчапара. Аб гэтым БЕЛТА паведамілі ў прэс-службе беларускага знешнепалітычнага ведамства.

У ходзе сустрэчы, праведзенай у адкрытай і дружалюбнай атмасферы, прадметна абмеркаваны пытанні двухбаковых палітычных і эканамічных адносін, гуманітарнага супрацоўніцтва. Адбыўся абмен меркаваннямі па актуальнай праблематыцы рэгіянальнага і глабальнага парадку дня.

Намеснікі міністраў намецілі шэраг мерапрыемстваў па ўмацаванні палітычнага ўзаемадзеяння, пашырэнні гандлёва-эканамічных сувязей, рэалізацыі сумесных праектаў у сферах, якія ўяўляюць узаемны інтарэс.

Бакі пацвердзілі нацэленасць на далейшае развіццё адносін у рэчышчы стратэгічнага партнёрства паміж Беларуссю і Турцыяй.

версія для друку

зрабіць стартавай

дабавіць у выбранае