Падзеі

23 кастрычніка, Мінск /Кар. БЕЛТА/. Беларусь і Славакія вызначылі напрамкі гандлёва-эканамічнага і навукова-тэхнічнага супрацоўніцтва, паведамілі БЕЛТА ў Міністэрстве замежных спраў Беларусі.

З 19 па 20 кастрычніка ў Браціславе праходзіла 13-е пасяджэнне беларуска-славацкай сумеснай камісіі па гандлёва-эканамічным і навукова-тэхнічным супрацоўніцтве пад кіраўніцтвам намесніка міністра замежных спраў Беларусі Яўгена Шэстакова і дзяржаўнага сакратара Міністэрства эканомікі Славакіі Расціслава Хованца. У рабоце камісіі прынялі ўдзел прадстаўнікі органаў дзяржкіравання, акадэмічных і дзелавых колаў дзвюх краін.

Бакі абмеркавалі супрацоўніцтва ў галіне прамысловай кааперацыі, медыцыны і фармацэўтыкі, навукі і тэхналогій, энергетыкі і ўтылізацыі адходаў, у крэдытна-фінансавай сферы. Па выніках быў падпісаны пратакол, у якім замацаваны дасягнутыя дамоўленасці, а таксама план мерапрыемстваў па рэалізацыі мемарандума аб узаемаразуменні паміж Дзяржаўным камітэтам па стандартызацыі Беларусі і Упраўленнем па стандартызацыі, метралогіі і выпрабаванняў Славакіі па ўзаемным супрацоўніцтве ў галіне стандартызацыі, метралогіі і ацэнкі адпаведнасці на перыяд 2018-2020 гадоў.