Падзеі

18 кастрычніка, Мінск /Кар. БЕЛТА/. Беларусь і Сербія адзначаюць развіццё гандлёвага абароту. Гэта тэма абмяркоўвалася на рабочай сустрэчы намесніка міністра замежных спраў Беларусі Алега Краўчанкі з паслом Сербіі ў Беларусі Велькам Кавачавічам, паведамілі БЕЛТА ў прэс-службе беларускага знешнепалітычнага ведамства.

"Бакі абмеркавалі вынікі беларуска-сербскага супрацоўніцтва за мінулы перыяд 2018 года, адзначыўшы дадатную дынаміку палітычных кантактаў і парламенцкіх сувязей, развіццё гандлёвага абароту паміж дзвюма краінамі", - паведамілі ў прэс-службе МЗС.

Акрамя таго, дасягнуты дамоўленасці аб прадаўжэнні сумеснай работы па павышэнні якасці і практычнай аддачы ад двухбаковых праектаў у розных галінах супрацоўніцтва.