Падзеі

9 лістапада, Масква /Эдуард Півавар - БЕЛТА/. Беларусь і Руанда вывучаюць магчымасці інтэнсіфікацыі палітычнага дыялогу. Аб гэтым БЕЛТА паведамілі ў прэс-службе пасольства Беларусі ў Расіі па выніках праведзенай сёння ў Маскве сустрэчы Надзвычайнага і Паўнамоцнага Пасла Беларусі ў Расіі Ігара Петрышэнкі з Надзвычайным і Паўнамоцным Паслом Руанды ў РФ Жаннай д'Арк Муджавамарыяй.

"Бакі абмяняліся думкамі наконт магчымасцей інтэнсіфікацыі двухбаковага палітычнага дыялогу, пашырэння гандлёва-эканамічнага супрацоўніцтва паміж дзвюма краінамі і фарміравання паўнацэнай дагаворна-прававой базы", - адзначылі ў прэс-службе.

Дыпламатычныя адносіны паміж Беларуссю і Руандай устаноўлены 25 лютага 2002 года.