Падзеі

22 лістапада, Мінск /Кар. БЕЛТА/. Міністэрства спорту і турызму Беларусі і Міністэрства Расіі заключылі 21 лістапада ў Смаленску пагадненне аб супрацоўніцтве, паведамляе карэспандэнт БЕЛТА.

Дакументам, які падпісаны па выніках сумеснай калегіі двух ведамстваў, прадугледжана далейшае развіццё супрацоўніцтва ў галіне спорту і фізічнай культуры, спартыўнай адукацыі і навукі ў Саюзнай дзяржаве.

"У Беларусі і Расіі спорт з'яўляецца састаўной часткай палітыкі дзяржаў. Сёння ў Расійскай Федэрацыі ажыццяўляецца нямала праектаў у галіне фізічнай культуры і спорту. У Беларусі за апошнія гады значна павялічылася колькасць міжнародных турніраў і чэмпіянатаў. Напрыклад, II Еўрапейскія гульні 2019 года - гэта паказчык прызнання Еўропай узроўню развіцця спорту вышэйшых дасягненняў у краіне. У нашых дзвюх краін шмат агульнага, у тым ліку і задачы, якія нам трэба вырашаць разам", - адзначыў міністр спорту Беларусі Аляксандр Шамко.

Удзельнікі сумеснай калегіі азнаёміліся са спартыўнымі збудаваннямі Смаленска, узведзенымі па Федэральнай мэтавай праграме "Развіццё фізічнай культуры і спорту ў Расійскай Федэрацыі на 2006-2015 гады".