Падзеі
Беларусь і Расія распрацавалі план па паглыбленні гандлёва-эканамічнага супрацоўніцтва
25 лютага, Мінск /Кар. БЕЛТА/. Беларусь і Расія распрацавалі план па паглыбленні гандлёва-эканамічнага супрацоўніцтва. Аб гэтым заявіў сёння на пасяджэнні шостай сесіі Палаты прадстаўнікоў пятага склікання прэм'ер-міністр Беларусі Андрэй Кабякоў, прадстаўляючы праграму дзейнасці ўрада на 2015 год, перадае карэспандэнт БЕЛТА.
"З урадам Расіі мы распрацавалі план па паглыбленні гандлёва-эканамічнага супрацоўніцтва. Прадугледжваецца зняцце абмежаванняў па доступе на рынкі дзвюх краін па шырокім спектры тавараў. Вызначаны механізм узаемадзеяння ў галіне адзінай прамысловай палітыкі і фінансавай сферы", - канстатаваў Андрэй Кабякоў.
Паводле яго слоў, у пачатку сакавіка гэтыя прапановы плануюцца да разгляду на Вышэйшым дзяржаўным савеце Саюзнай дзяржавы.
версія для друку
зрабіць стартавай
дабавіць у выбранае