Падзеі

Беларусь і Расія плануюць наладзіць абмен электроннымі паслугамі

11 кастрычніка, Мінск /Кар. БЕЛТА/. Беларусь і Расія плануюць наладзіць абмен электроннымі паслугамі. Аб гэтым паведаміў сёння журналістам першы намеснік дырэктара РУП "Нацыянальны цэнтр электронных паслуг" Сяргей Руднеў на прэс-канферэнцыі ў БЕЛТА.

"Даўно мы гэту ініцыятыву прапануем, яна вельмі важная, каб забяспечыць бясшвовае атрыманне паслуг грамадзянамі Беларусі ў Расійскай Федэрацыі, а таксама грамадзянамі Расіі ў Рэспубліцы Беларусь. Беларусь да гэтага працэсу гатова, у рамках двухбаковых адносін у нас павінен пачацца першы этап па інтэграцыі расійскай сістэмы міжведамаснага электроннага ўзаемадзеяння (СМЭУ) з беларускай агульнадзяржаўнай аўтаматызаванай інфармацыйнай сістэмай (ААІС) у рамках ратыфікацыі пагаднення аб узаемным прызнанні віз", - сказаў Сяргей Руднеў.

Паводле слоў першага намесніка дырэктара, гэта будзе "самы важны крок першаснай інтэграцыі". "Як толькі гэты працэс адбудзецца, мы зможам гаварыць аб інтэграцыі больш высокага ўзроўню па прадастаўленні электронных паслуг грамадзянам нашых дзяржаў", - падкрэсліў эксперт.

версія для друку

зрабіць стартавай

дабавіць у выбранае