Падзеі

Беларусь і Расія падпісалі праграму ўзгодненых дзеянняў у знешняй палітыцы да 2026 года

Фота з архiва

15 снежня, Масква /Кар. БЕЛТА/. Міністры замежных спраў Беларусі і Расіі Сяргей Алейнік і Сяргей Лаўроў па выніках сумеснага пасяджэння калегій знешнепалітычных ведамстваў у Маскве падпісалі праграму ўзгодненых дзеянняў у сферы знешняй палітыкі, перадае карэспандэнт БЕЛТА.

Дакумент упершыню прыняты адразу на тры гады - з 2024-га па 2026-ы ўключна. "Гэта дасць магчымасць больш цесна скарэліраваць гэты дакумент з іншымі асноватворнымі дакументамі ў рамках Саюзнай дзяржавы", - заўважыў Сяргей Алейнік.

Сяргей Лаўроў адзначыў, што Беларусь і Расія прадоўжаць каардынаваць падыходы да работы ў міжнародных арганізацыях. Расійскі бок паабяцаў садзейнічаць пашырэнню кантактаў Беларусі з аб'яднаннямі, з якімі Расія даўно ўстанавіла партнёрскія адносіны, у прыватнасці, з Асацыяцыяй дзяржаў Паўднёва-Усходняй Азіі (АСЕАН).

"Мы таксама ў рамках праграмы ўдзялілі істотную ўвагу нарошчванню супрацоўніцтва ў гуманітарнай сферы з упорам на пашырэнне навукова-адукацыйнай, культурнай прасторы Саюзнай дзяржавы. Асаблівую ўвагу плануем удзяліць патрыятычнаму выхаванню моладзі, зберажэнню гістарычнай памяці", - сказаў кіраўнік МЗС Расіі.

версія для друку

зрабіць стартавай

дабавіць у выбранае