Падзеі

13 красавіка, Мінск /Кар. БЕЛТА/. Кансультацыі паміж Міністэрствам замежных спраў Беларусі і Міністэрствам замежных спраў Расіі па тэматыцы адносін з краінамі Лацінскай Амерыкі і Карыбскага басейна прайшлі сёння ў Мінску, паведамілі БЕЛТА ў прэс-службе МЗС Беларусі.

Беларускую дэлегацыю на кансультацыях узначаліў намеснік начальніка галоўнага ўпраўлення Азіі, Афрыкі і Лацінскай Амерыкі - начальнік аддзела Лацінскай Амерыкі МЗС Павел Пуставой, расійскую дэлегацыю - дырэктар Лацінаамерыканскага дэпартамента МЗС Аляксандр Шчацінін.

Бакі абмеркавалі стан адносін Беларусі і Расіі з дзяржавамі Лацінскай Амерыкі і Карыбскага басейна, а таксама падыходы знешнепалітычных ведамстваў да развіцця супрацоўніцтва з гэтымі краінамі.