Падзеі

Беларусь і Расія ўмовіліся аб цеснай каардынацыі дзеянняў у рамках АБСЕ

Юрый Амбразевіч і Аляксандр Грушко. Фота mfa.gov.by

25 кастрычніка, Мінск /Кар. БЕЛТА/. У Мінску 24 кастрычніка адбыліся беларуска-расійскія кансультацыі паміж міністэрствамі замежных спраў па пытаннях агульнаеўрапейскай бяспекі. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Беларускую дэлегацыю на перагаворах узначаліў намеснік міністра замежных спраў Юрый Амбразевіч, расійскую - намеснік міністра замежных спраў Аляксандр Грушко.

У ходзе кансультацый адбыўся грунтоўны абмен меркаваннямі па пытаннях супрацоўніцтва Беларусі і Расіі ў рамках АБСЕ, а таксама адносін з іншымі еўрапейскімі рэгіянальнымі арганізацыямі.

Бакі падкрэслілі саюзніцкі характар адносін Рэспублікі Беларусь і Расійскай Федэрацыі і ўмовіліся аб цеснай каардынацыі дзеянняў у рамках АБСЕ, у тым ліку напярэдадні пасяджэння СМЗС АБСЕ ў г. Скоп'е.

версія для друку

зрабіць стартавай

дабавіць у выбранае