Падзеі

Беларусь і Расія абмеркавалі неабходныя дзеянні для адмены роўмінгу да 1 кастрычніка

Фота з архiва

17 верасня, Мінск /Кар. БЕЛТА/. У фармаце відэаканферэнцыі паміж Мінсувязі Беларусі і Міністэрствам лічбавага развіцця, сувязі і масавых камунікацый Расіі з удзелам прадстаўнікоў антыманапольных органаў, Пастаяннага камітэта Саюзнай дзяржавы, Пасольства Беларусі ў РФ, а таксама беларускіх і расійскіх аператараў электрасувязі абмеркавана тэма адмены роўмінгу на тэрыторыі Саюзнай дзяржавы. Аб гэтым паведамілі БЕЛТА ў прэс-службе Міністэрства сувязі і інфарматызацыі Беларусі.

Як адзначылі ў ведамстве, адбыўся канструктыўны дыялог па актуальных пытаннях выканання адпаведнай дарожнай карты. Беларускім бокам абазначаны шэраг патрабуючых аператыўнага вырашэння пытанняў міжаператарскага ўзаемадзеяння, неабходных для завяршэння да 1 кастрычніка работы па адмене роўмінгу, уключаючы тэсціраванне пропуску роўмінгавага трафіка і рэалізацыю сумесных мерапрыемстваў па выяўленні і спыненні фрода на сетках электрасувязі. Расійскім бокам былі дапоўнены і падтрыманы гэтыя прапановы.

Аператарам пастаўлена задача завяршыць работы па тэсціраванні пропуску роўмінгавага трафіка і заключэнні  антыфродавых пагадненняў не пазней за 24 верасня.

Таксама па выніках абмеркавання кіраўнікамі Міністэрства сувязі Беларусі і Міністэрства лічбавага развіцця, сувязі і масавых камунікацый Расіі былі ўзгоднены пазіцыі па праекце пратакольнага рашэння групы высокага ўзроўню Савета Міністраў Саюзнай дзяржавы па пытанні адмены роўмінгу.

Чарговую відэаканферэнцыю па гэтым пытанні бакі дамовіліся правесці 25 верасня.

версія для друку

зрабіць стартавай

дабавіць у выбранае