Падзеі

26 ліпеня, Мінск /Кар. БЕЛТА/. Варыянты ўзаемнага спрашчэння візавага рэжыму абмеркаваны на сустрэчы пасла Беларусі ў Паўднёва-Афрыканскай Рэспубліцы Андрэя Молчана з намеснікам гендырэктара Міністэрства ўнутраных спраў ПАР Джэксанам Маккеем і кіраўніцтвам консульскага дэпартамента і ўпраўлення двухбаковых адносін МЗС гэтай краіны. Такая інфармацыя размешчана на сайце пасольства Беларусі ў ПАР.

"У час перагавораў былі падрабязна абмеркаваны комплекс візава-міграцыйных пытанняў, варыянты ўзаемнага спрашчэння візавага рэжыму паміж Беларуссю і ПАР", - расказалі ў дыппрадстаўніцтве.

На сустрэчы таксама разглядаліся перспектывы наладжвання двухбаковага і шматбаковага супрацоўніцтва ў сферы барацьбы з незаконнай міграцыяй.