Падзеі

Беларусь і Палесціна абмеркавалі практычныя крокі па нарошчванні ўзаемадзеяння

Фота МЗС Беларусі

2 верасня, Мінск /Кар. БЕЛТА/. Міністр замежных спраў Рэспублікі Беларусь Уладзімір Макей 2 верасня прыняў копіі даверчых грамат Надзвычайнага і Паўнамоцнага Пасла Дзяржавы Палесціна ў Рэспубліцы Беларусь Ахмеда Махамеда аль-Мадбуха. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

"Бакі абмеркавалі стан і перспектывы беларуска-палесцінскага ўзаемадзеяння. Была падкрэслена наяўнасць у краін істотнага патэнцыялу для нарошчвання ўзаемнага гандлю", - гаворыцца ў паведамленні Міністэрства замежных спраў Рэспублікі Беларусь.

Адбыўся таксама адкрыты абмен меркаваннямі па практычных кроках для нарошчвання двухбаковага ўзаемадзеяння.

версія для друку

зрабіць стартавай

дабавіць у выбранае