Падзеі

Беларусь і Пакістан разгледзелі падрыхтоўку мерапрыемстваў да 30-годдзя дыпламатычных адносін у 2024 годзе

Фота МЗС

12 снежня, Мінск /Кар. БЕЛТА/. Намеснік міністра замежных спраў Рэспублікі Беларусь Яўген Шэстакоў 12 снежня сустрэўся з Надзвычайным і Паўнамоцным Паслом Ісламскай Рэспублікі Пакістан у нашай краіне Саджадам Хайдэрам Ханам. Аб гэтым карэспандэнту БЕЛТА паведамілі ў беларускім знешнепалітычным ведамстве.

Субяседнікі абмеркавалі актуальныя пытанні беларуска-пакістанскага супрацоўніцтва ў палітычнай, гандлёва-эканамічнай і культурнай сферах. Яны адзначылі неабходнасць істотнага нарошчвання двухбаковага тавараабароту і актывізацыі ўзаемадзеяння ў галіне прамысловасці, сельскай гаспадаркі, навукі і адукацыі па лініі профільных рабочых груп.

Асобнай тэмай абмеркавання стаў ход падрыхтоўкі мерапрыемстваў двухбаковага парадку дня, у тым ліку да 30-годдзя ўстанаўлення дыпламатычных адносін паміж Беларуссю і Пакістанам, якое будзе адзначацца ў лютым 2024 года.

версія для друку

зрабіць стартавай

дабавіць у выбранае