Падзеі

Беларусь і Пакістан маюць намер умацоўваць палітычнае і эканамічнае ўзаемадзеянне

Фота з архiва

5 снежня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Ісламскай Рэспубліцы Пакістан Андрэй Мяцеліца 5 снежня сустрэўся з намеснікам міністра замежных спраў Пакістана па справах Еўропы Шафкатам Алі Ханам. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

"Бакі абмеркавалі актуальны стан беларуска-пакістанскіх адносін, у тым ліку працэс рэалізацыі дамоўленасцей, дасягнутых на вышэйшым і высокім узроўнях", - праінфармавалі ў Міністэрстве замежных спраў.

Асобная ўвага на сустрэчы была ўдзелена арганізацыі двухбаковых мерапрыемстваў у бліжэйшай перспектыве.

Субяседнікі таксама выказалі ўзаемную зацікаўленасць у далейшым умацаванні палітычнага, гандлёва-эканамічнага супрацоўніцтва паміж Рэспублікай Беларусь і Пакістанам.

версія для друку

зрабіць стартавай

дабавіць у выбранае