Падзеі

Беларусь і Пакістан абмяркоўваюць падрыхтоўку візіту прэм'ер-міністра Імрана Хана ў Мінск

Фота з архiва

17 лютага, Мінск /Кар. БЕЛТА/. Пасол Беларусі ў Пакістане Андрэй Мяцеліца сустрэўся з генеральным дырэктарам упраўлення Еўропы МЗС Пакістана Рабіяй Шафік. Аб гэтым карэспандэнту БЕЛТА паведамілі ў пасольстве Беларусі ў Пакістане.

Абмяркоўваліся актуальныя пытанні двухбаковага парадку дня, уключаючы правядзенне ў гэтым годзе шостага пасяджэння сумеснай беларуска-пакістанскай камісіі па гандлёвым і эканамічным супрацоўніцтве, пасяджэнняў двухбаковых профільных рабочых груп і пятага раўнда кансультацый паміж міністэрствамі замежных спраў як важных складнікаў у падрыхтоўцы візіту прэм'ер-міністра Пакістана Імрана Хана ў Мінск у адпаведнасці з запрашэннем кіраўніка беларускай дзяржавы.

Прааналізаваны магчымасці пашырэння дагаворна-прававой базы супрацоўніцтва шляхам падпісання дакументаў у рамках мерапрыемстваў двухбаковага фармату.

Былі намечаны канкрэтныя захады, якія абодва бакі гатовы зрабіць для актывізацыі двухбаковага супрацоўніцтва.

Субяседнікі сышліся на думцы аб значнасці выкарыстання механізмаў эканамічнай дыпламатыі для ўмацавання ўсяго спектра адносін паміж краінамі.

версія для друку

зрабіць стартавай

дабавіць у выбранае