7 кастрычніка, Мінск /Кар. БЕЛТА/. Намеснік міністра замежных спраў Рэспублікі Беларусь Сяргей Алейнік 7 кастрычніка сустрэўся з прадстаўніком Міжнароднай арганізацыі па міграцыі (МАМ) у нашай краіне Махым Аразмухамедавай. Аб гэтым БЕЛТА паведамілі ў прэс-службе беларускага знешнепалітычнага ведамства.
"У ходзе сустрэчы бакі абмеркавалі супрацоўніцтва Беларусі з МАМ у рамках праграмнай дзейнасці арганізацыі, уключаючы пытанні кіравання граніцамі, садзейнічання добраахвотнаму вяртанню мігрантаў і аказання ім неабходнай дапамогі, у тым ліку медыцынскай", - расказалі ў прэс-службе.
Акрамя таго, была пацверджана зацікаўленасць у далейшым развіцці як гэтых, так і іншых напрамкаў узаемадзеяння.