Падзеі

26 красавіка, Мінск /Кар. БЕЛТА/. Беларусь і Мальтыйскі ордэн пацвердзілі імкненне інтэнсіфікаваць узаемадзеянне. Аб гэтым заявіў 25 красавіка журналістам міністр замежных спраў Беларусі Уладзімір Макей па выніках сустрэчы з вялікім канцлерам Мальтыйскага ордэна Альбрэхтам фон Бёзелагерам, перадае карэспандэнт БЕЛТА.

Уладзімір Макей, у прыватнасці, звярнуў увагу, што ў час сустрэчы абмяркоўваліся пытанні двухбаковых адносін, а таксама некаторыя аспекты, звязаныя з развіццём рэгіянальнай сітуацыі. "Мы сышліся на перспектыўным і традыцыйным дружалюбным характары адносін паміж Беларуссю і Мальтыйскім ордэнам і пацвердзілі імкненне не спыняцца на дасягнутым, а прадаўжаць пошук шляхоў па інтэнсіфікацыі нашага ўзаемадзеяння ў сферах узаемнага інтарэсу", - заўважыў ён.

Міністр падзякаваў кіраўніцтву Мальтыйскага ордэна за стваральнае двухбаковае супрацоўніцтва, за арганізацыю розных гуманітарных праектаў у Беларусі. Размова ідзе аб дастаўцы абсталявання і медыкаментаў для ўстаноў аховы здароўя, аб арганізацыі стажыровак беларускіх урачоў у замежных клініках, а таксама аб маштабнай гуманітарнай дапамозе.

Уладзімір Макей выказаў упэўненасць, што сумеснымі намаганнямі Беларусі і Мальтыйскаму ордэну ўдасца захаваць існуючы высокі ўзровень узаемадзеяння і супрацоўніцтва бакі будуць прымнажаць.

У сваю чаргу Альбрэхт фон Бёзелагер падзякаваў за магчымасць наведаць краіну і абмяняцца думкамі па шэрагу пытанняў. Ён адзначыў, што прынцыпы работы Мальтыйскага ордэна грунтуюцца на хрысціянскіх каштоўнасцях, і звярнуў увагу на гатоўнасць працаваць на карысць падтрымкі дзяцей, якія пражываюць на тэрыторыі, забруджанай у выніку чарнобыльскай аварыі. Акрамя таго, Ордэнам праводзіцца вялікая работа па рэабілітацыі інвалідаў, іх інтэграцыі ў грамадства.

Вялікі канцлер Мальтыйскага ордэна Альбрэхт фон Бёзелагер наведвае Беларусь з афіцыйным візітам 24-26 красавіка. Ён прыбыў для ўдзелу ў мерапрыемствах міжнароднай канферэнцыі, прысвечанай 30-годдзю чарнобыльскай катастрофы. Акрамя таго, 26 красавіка адбудзецца сустрэча Альбрэхта фон Бёзелагера з прэм'ер-міністрам Беларусі Андрэем Кабяковым, па выніках якой будзе падпісана сумесная дэкларацыя аб далейшых напрамках супрацоўніцтва.

У іерархіі Ордэна вялікі канцлер з'яўляецца прэм'ер-міністрам і міністрам замежных спраў.