Падзеі

Фота Пасольства Рэспублікі Беларусь у Сірыйскай Арабскай Рэспубліцы

29 жніўня, Мінск /Аліна Грышкевіч - БЕЛТА/. Надзвычайны і Паўнамоцны Пасол Беларусі ў Сірыі і Ліване па сумяшчальніцтве Аляксандр Панамароў 29 жніўня ў час рабочага візіту ў Бейрут сустрэўся з прэм'ер-міністрам Лівана Саадам Харыры. Аб гэтым БЕЛТА паведамілі ў пасольстве Беларусі ў Сірыі.

На сустрэчы намечаны меры па актывізацыі двухбаковага гандлёва-эканамічнага супрацоўніцтва. Абмяркоўваліся перспектывы развіцця палітычнага дыялогу паміж дзвюма краінамі. Акрамя таго, размова ішла аб арганізацыі абмену візітамі на ўрадавым узроўні і па лініі дзелавых колаў.