Падзеі

Беларусь і Кыргызстан намецілі сумесныя крокі па падрыхтоўцы дарожнай карты развіцця супрацоўніцтва

У час сустрэчы. Фота МЗС

2 лістапада, Мінск /Кар. БЕЛТА/. Міністр замежных спраў Беларусі Сяргей Алейнік 2 лістапада сустрэўся з Надзвычайным і Паўнамоцным Паслом Кыргызскай Рэспублікі ў Рэспубліцы Беларусь Эрмекам Ібраімавым у сувязі з завяршэннем яго дыпламатычнай місіі ў Беларусі. Аб гэтым БЕЛТА паведамілі ў прэс-службе МЗС.

Бакі абмеркавалі стан і перспектывы беларуска-кыргызскіх адносін, пацвердзілі гатоўнасць да далейшага паглыблення шматпланавага супрацоўніцтва і інтэграцыйнага ўзаемадзеяння дзвюх краін.

Намечаны сумесныя крокі па падрыхтоўцы дарожнай карты развіцця супрацоўніцтва паміж Рэспублікай Беларусь і Кыргызскай Рэспублікай.

Міністр падзякаваў паслу за асабісты ўклад у развіццё беларуска-кыргызскага супрацоўніцтва, намаганні па актывізацыі палітычнага дыялогу і пашырэнні гандлёва-эканамічных сувязей.

Як паведамлялася БЕЛТА, аб неабходнасці выпрацоўкі дарожнай карты развіцця супрацоўніцтва раней на сустрэчы з паслом заявіў Прэзідэнт Беларусі Аляксандр Лукашэнка.

версія для друку

зрабіць стартавай

дабавіць у выбранае